ابــــــــو ذيـــــات

[المايسترو]

بسم الله الرحمن الرحيم


احبابي عشاق الساهر وعشاق الادب والشعر

اليوم اطرح هذا الموضوع لكي يكون التواصل الادبي بيننا اكبر

كل عضو يدخل يطرح مقطع ابو ذيه

وابـــدأ بنفسي


يروحي بطلي المعاشر وعودي
سباني ونحل اعظامي وعودي
اني الماخنت مرة وعودي
عجب ليش الحبيب يخون بيه


يله شوفونا ابداعتكم


اذا كان لتثبيته حاجة عود ثبتوه :teeth_smile:


تحياتي

[حسناء دجلة]

صـرت تلهم دليلي الهم

مثل كل هم سبولي الهم

صفت دلهم دنيتي الهم

عشـت حبهم وهم صبح ومسيه




شكرا مايسترو على الموضوع



تحياتي وتقديري

[العراب]

هلو مايسترو

كلش حلو الموضوع

[محمد الشاعري]

عزيزي الماسيترو شكراً على طرح الموضوع

وانا من عشاق الابوذيات

ونشالله يثبت الموضوع


وهذي ابوذية من كتاباتي


سالي

حبيب الروح عن حبي سالي

ودمعي على الخدين من فركاه سالي

تركت هدى ومنى وحبيت سالي

تالي تلاثتهم تركوني وخانو بيه

[3ashekat kazem]

المايسترو

فكرة جميلة جداً

شكراً على الموضوع، لكن للأسف ما اكتب ابوذيات

لكن منكم نستفيد، وإن شاء الله بكون في تواصل أكبر

تحياتي

[walaa alsaher]

http://www.angolodigiulia.org/farfallinesiria.gif

حبيبي لا تظن الدهر سرنا
هجرنا ديارنا وللغرب سرنا
وحكك ماطلع للناس سرنا
لجن دمعي فضحني وعم عليه

http://www.angolodigiulia.org/farfallinesiria.gif

گلبي ما فرح عگبك ولا سار
ولا جدمى خطى لغيرك ولا سار
اخبرك ما بقت جمله ولا سار
فضحني الدمع من غصبن عليه

http://www.angolodigiulia.org/farfallinesiria.gif


شكراً مايسترو المنتدى
دمت متألق..

[قباني العراق]

ردت طيفك يمر كل يوم مره
والصبر مااريد اظوكه بطعم مره
يا ريت اللقاء يعود مره
والوكت يرجع واحظنك بين اديه

[walaa alsaher]

بسواد العين يسمر من ترابي
شعجب قلبك تغير من ترى بي
انا ماظن ترابك من ترابك من ترابي
حظنتك والعسل جلب بيديه

[العراب]

مو عيشة تراها وياك طلعــــت .
من كثر الجروح الروح طلعــت.
شفت مرة الشمس بالليل طلعت.
ااكل النـــاس مايصدقون بيـــــه.

أجمل تحية .
العراب

[walaa alsaher]

الألف لف الذوايب من نسلها

البيه بادت ضلوعي من نسلها

التيه تاهت افكاري من نسلها

التيه ثاري الحواري من نسلها

الجيم وجنة الفردوس ليه

[بلبل الساهر]

تسلم الايااااااااادي
الموضوع كثير رائع
الله يعطيك العافية

[ღ مدرسة الــ ح ــب ღ]

صدور حيود للچيلات .. مرگص
من عضاك خنجر غدر .. مُر گَص
اذا محتاج گلبي هاك .. مر گِص
عراگ انت بوريدي للمنية

[توحه]

وانت جاري ...
طحت أبحر شوگگ وانت جاري
فضحت سري يا دمعي..... وانت جاري
هلك حرموا عليّ وصلك ....وأنت جاري
الموت أهون....ولا فراگك علية
شكراً على الموضوع الجميل ولأول مرة أفرق بين الدارمي والأبوذية

[العين الحزينة]

سن سيفه الدهر بحشاي سنتين
حسافه من العمر كضن وياك سنتين
تره انا من رصيدي بقى سنتين
واذا عندك رصيد اتصل بيه

مشكوووووووووور على الموضوووع الروووووووعة ..

[تلميذ في مدرسة الحب]

سكاني الدهرمن فركاك بس مر؟؟؟
وشهد ماضكت من دنياي بس مر ؟؟؟
رمش عيني افرشه بساط بس مر؟؟؟
وترد الروح من تسأل عليه.....؟؟؟؟؟




مشكوووووووو اخوي على هل الموضوع

[anas89_A]

ترا الواشي عرف سرنة وشاعة.
وابد لتظن جذب حبي وشاعة.(اشاعة)
انا لقلبي خذت سونر واشاعة.(اشعة)
طلع مكتوب احبك للمنية

[the lowyer of love]

ههههههههه حلوة حلوة

يالي تلبس مرة اسود مرة حني ( اللون الحني )
مرة بس مرة إرحمينه ومرة حني ( دير بالج علينة \ مبينة ترة )
نذر لو إحاجيج انه إلبابج احني ( احط حنة )
واذا ابوسج احني اجفوف إدية....

اهداء للي يكتب ابوذيتة وراية ....

[تلميذ في مدرسة الحب]

يسلمووووووووووووووو


سكر كاس الخمر من ضاك نفسك
اكو غيرك حلو بس ماكو نفسك
اريدك يا حبيبي اتبوس نفسك
بس بداخلك تنويهه اليه

[توحه]

حمامة الفرت من ايدي ولاجت

وعليها الروح تتعـذب ولاجت

من امس لليوم لاحطت ولاجت

ولا الها جدم بــرض الوطيه

[the lowyer of love]

قوووووووووي كتيييييير ههههه حلوة توحة عاش ايدج

دجاجة انتي يالحبيبة .. ونا ديج
بذاك الصوب اعوعي .. وناديج
يردون انة ابيض ..ونا ديج
راح ابيض والي يصير يصير بية

[تلميذ في مدرسة الحب]

هاي الى اخي وصديق العزيز مدرسة الحب


لو مره تمــر مثـــــــــــــــــل .. الشماته .............. ( الشامتين )
وانا لنحرك يالاسمـــــــر وك .. شماته ...............( شممته )
ولك مغرور كالولــــــــــــــي .. بشماته ............ ( بشامته التي في خده )
صحيح ابشامتك تنغر عليه ؟




لو تعرفني احبـــــــــــــــــك .. واشتمنك .........( اسبك واشتمك)
ولأن منطـــي للواشــــــــــي .. وشتمنك ......... ( وشاية منك )
اريد اليوم احضنـــــــــــــــــك .. واشتمنك ......... ( اعانقك )
واشوفك هم تذب روحك عليــــه ؟












تحياتي

[al-3ashq]

يسلموا مايسترو للموضوع الجميل

واسمحلي بالمشاركه معكم


الدنيا خلافك وحشه ومره
ولا منك بعد جيه و مره
صورتك مره اضمنها ومره
اشوفنها وتوچ نيران بيه


تحياتي
عاشــق

[موج البحر]

جاني خبر يهل الناس عداي
وكعنا بمرض يهل الناس عداي
عيب انعيش من بعد ابو عداي
رجل ما مثله ببلاد العرب سويه

[العراب]

جاني خبر يهل الناس عداي
وكعنا بمرض يهل الناس عداي
عيب انعيش من بعد ابو عداي
رجل ما مثله ببلاد العرب سويه

عاشت ايدك

[انفااس الورد]

السلام عليكم

حلوين عاااشت ايديكم

انة صوجي واجاري الما تجارة
واظن الصحبة خوة موتجارة
كبل الجار يحزن مات جارة
وهسة ايدك طبل لو مات اخية

اويلي شكد حزين هذه ...

تحيااتي

[love_40]

سلام الله عليكم ورحمة
ياربي أرحمني برحمتك أو برحمه
إدا رايد أجر أو رحمة
تعال وشوفني و أجرك عليا

[gardenea]

يسعد مساءكم ساهرين

غاب الكمر من شافـــــــك ولا هل ........
ولغيرك مانزل دمــــــــعي ولا هل ........
مالي دار من بــــــــــعدك ولا هل ........
حبيبي ودمعتك تصعب علية

تحياتي لكم

[انا عاشك كاردينيا]

حبيبي المايسترو موضوع حلو والله عاشت ايدك


جرى دمعي على خدودي مراح
وبعد حبك بدلالي مراحل
اذا ناوي الهجر ابدي مراحل
مو غفلة وتسد بابك عليه


تحياتي ( انا عاشك كاردينيا )

[انا عاشك كاردينيا]

عاشت ايدك عل موضوع

يسألني البطران إعربلي كــــــــــــانَ
حسباله مثل العام عقلي إبمكانـــــــــــه

شحجي وتريد الناس من عندي أحجـــــي
دمعتي إبطرف العين بس أحجي أبجـــــي

يسألني البطران حالك إشلونـــــــــــه
الغاضب الله إعليه هم ينشدوونــــــــــه

تحياتي ( انا عاشق كاردينيا )

[معاذ العبيدي]

حرت من نثر مزيونه وحالا
ايتمضحك بين ها خايف وحا لا
الى ابيه اثنعش حاله وحالا
الي بس الصبر ساتر عليه

[قباني العراق]

انا بكاروك حبك وانت هزني
صرت فرصه بحياتك وانتهزني
اهزلك ركبه وجوبي وانت هزني
واذا قصرت بترهن لأديه

وهذي ابوذيه بسيطه كتبتها
هديه لعشاق الريال
بس ليزعلون مني انصار برشلونه

اتعجب .. فرحان يكول اني كتلوني
فريق مكضيها خسارات وبي كتلوني
اني لو منك والله بكرامتي اكت لوني
والبس الابيض واخذله تحيه

تحياااتي

[ضحكة الساهر]

کون الگلب بی باب وانتو اقفاله
واجعلکم اعله الباب واگعد اگباله

گلب النسه الخوان سکراب ابیعه
لن چلمه النسیان چلمه شنیعه

[ضحكة الساهر]

ابوذيات عراقية منوعة من الالف الى الياء

--------------------------------------------------------------------------------

حرف الالف
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه
وهو ماخوذ من البيت الشعري الذي يقول
صبحته عند الساء فقال لي ..............هل انت تهزأ ام تقول مزاحا
فأجبته اشراق وجهك غرني.............حتى تخيلت المساء صبـــاحا

2_الباء
بره المسكوم من علته ....وناداي
وحركت اليابس بهجرك...وناداي
براس اربع طرق لكعد....وناداي
انه المظلوم وانت بدعت بيه
وهو ماخوذ من هذا البيت
لاقعدن على الطريق واشتكي...........واقول مظلوما وانت ظلمتني

3_التاء
تظن يبره الجرح عكبك.....ويلتم
جفيت وبالحشى منـــك.....ويل تم
الثريا الها شمل سبعه......ويلتم
وانه واحد حبيبي وشح عليه
وهو ماخوذ من هذا البيت
خليلي اني للثريا لحاسد.............واني على ريب الزمان لواجد
ايجمع منها شملها وهي سبعة.......ويبعد من احببته وهو واحـــد

4_الثاء
ثدي الحب يبس ما در ......والك دار
ومحبتك زالت همومي......والك دار
الك عرش انتصب يا اسمر..والك دار
بكلبي ولا لغيرك سكن هيه
وهو ماخوذ من التخميس الاتي
ما لنا عنك سلوة واصطبار............ولمعناك في القلوب قرار
وسواء منك الجفا والمزار.............اينما كنت فالحشا لك دار
ليس فيها لغير شخصك سكنى

5_الجيم
جره دمعي على الوجنات.......ما دام
على ريم اليدير اقداح..........ما دام
حرام الزنا بالقران............ما دام
من التقبيل لا تبخل عليه
وهو ماخوذ من هذا البيت الشعري
لقد حرم الله الزنا في كتابه.......وما حرم التقبيل بالخد والفم

6_الحاء
حكم سيفك الغـــــدار.......حكمه
ابكلبي وما بقت للصبر....حكمه
كل اللي توله جار .......حكمه
انه عاشك وحكمك جار بيه

وهوماخوذ من هذا البيت الشعري
ها انا اهواك على ما ارى............من قلة الود وبعد المزار
كم جرت بالحكم على عاشق..........اكل قد من ولي الحكم جار

7_الخاء
خالص يا ترف بس الك .....ودنه
لون تسكن بيابي العين ......ودنه
لو بات الترف بحشاي ......ودنه
اكله اكرب يحلو الطول ليه
وهو ماخوذ من هذا البت الشعري
لو بات من اهواه وسط حشاشتي.........لقلت ادنو مني ايها المتباعد

8_الدال
دليلي ابنار هجرك طاح .....وهواي
لشك ثوبي وادك واصيح....وهواي
اذا تنكر هيامي عليـــــك ...وهواي
ادموعي اعلى الخدود اشهود هيه
وهو ماخوذ من البيت الشعري التالي
اذا تكن منكرا هواي ووجدي.......فدموعي على الخدود شهود

9_الذال
ذلولي عليك ناحل ......ما بغيره
وسليم الذات اوده ......ما بغيره
صديـجك لو لكيته ......ما بغيره
بجف ارماد بيعه لو تهيه
وهو ماخوذ من هذا البيت الشعري
اذا لم تجد عند الصديق مروءه........ولا غيرة بعه بكف رماد

10_الراء
روحي بيش اسليها .....كتلها
عليك اني ودمع عيني...كتلها
شبه العيش بالبيده.......كتلها
الظمه ودومن اتحمل الماي هيه
وهو ماخوذ من البيت الشعري الاتي
واشد ما لا قيت من الم الهوى.........قرب الحبيب وما اليه وصول
كالعيش في البيداء يقتلها الضما ......والماء فوق ظهورها محمول

11_الزاي
زماني ما نطه لروحي .....نفاها
ظلمهه وعن مواطنهه .....نفاها
السفاهه اهل المثل كالو....نفاها
انا اشما سفهت ناري سريه
وهو ماخوذ من المثل الذي يقول
الســــــفـــاها......نــــــــفاها

12_السين
سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه
وهو ماخوذ من هذا البيت الشعري
فلما برزنــــــــا لتوديعهم............بكو لؤلؤا وبكينا عقيقا
فساروا فاتبعتهم ادمعي..............فصاحو الغريق وصحنا الحريقا

13_الشين
شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه
وهو ماخوذ من هذا البيت الشعري
ان كنت تابى ان تراني عاشقا ........فارجع الي فؤادي المغصوبا

14_الصاد
صومي لليكول اهواك.......شفته
صبحت وارشفت من الترف..شفته
يكلي افطرت كتله البدر.....شفته
بجبينك حرم كل صومي عليه
وهو مقتبس من هذا البيت الشعري
قبلته عند الصباح فقال لي..........افطرت يا هذا ونحن صيام
فاجبته انت الهلال وعندنا..........الصوم في رؤيا الهلال حرام

15_الضاد
ضكت حلوك حبيبي وضكت......ما راك
وانه بغي التجافي الحيــــــل.....ما راك
يضيج الصدر يوم البيـــــــه.....ما راك
وينطيني عذولي الحك بديه
وهو مقتبس من التخميس التالي
الى كم ذا الصدود اطلت هجري..........رويدا فالهوى العذري عذري
متى يوما اراك يهون امري..............ويوما لا اراك يضيق صدري
وتعذرني العواذل في شجوني

16_الطاء
طريدك لا تطن ياوي......لجنه
انذهل وانياب هجرانك ....لجنه
شمس شبهك انصفها.......لجنه
الك ما انصفك بين البريه
وهو مقتبس من هذا البيت الشعري
شبــــــهك الشــــمس ولكنه.............قد انصف الشمس وما انصفك

17_الظاء
ظجر كلبياو دمع العين.......هماي
وراهم يا اجدامي ابشوك....هماي
حجب عن عيني طيب النوم..هماي
اشلون اصفي لزماني الخان بيه
وهو مقتبس من بيت الشعر التالي
قلقـــا تقلبني الهموم بمرقدي...........هل كيف اصفي للزمان واصفح

18_العين
عند البد وفه الانصاب .......كله
علن حربه وعلي ثار........كله
حاجه اتصير عند الجلب....كله
يحجي جليب دير النظر ليه
وهو ماخوذ من المثل الشعبي المشهور
لو صارت حاجتك عند الجلب سميه حجي جليب

19_الغين
غيرك لا تظن بالعين ......حالي
اوريجي عليك مر ما يوم...حالي
بغرامي يالتسل عن شرح ...حالي
اعله كل حال الهوه جتال اليه
وهو مقتبس من هذا البيت الشعري
ان تسل في الغرام عن شرح حالي.............فالهوى قاتلي على كل حال

20_الفاء
فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه
وهو ماخوذ من هذا البيت الشعري
فقدت ضعونا في دجا اللبل حملوا...........وراحو ولم اعرف لهن مقاما
فلا القلب يسلاهم ولا النار تنطفي...........ولا العين تهوى بالبعاد مناما

21_القاف
قيد الاسر بالرجلين....... صكه
عدونه والهنا بالكاس.....صكه
انهضوا للعلا واكتبوا ....صكه
اوقع بيه تراني اعله المنبه
وهو ماخوذ من هذا البيت الشعري
الا فاكتبوا صك النهوض الى العلا........فاني على موتي به لموقع

22_الكاف
كثروني وزاد الكلب .........لو بات
ومدري انكطع حبل الوصل..لو بات
الكمر ولفي وعندي اليوم ....لو بات
مجنت ارعه الكمر لو زاد ضيه
وهو مقتبس من البيت الشعري التالي
يا ليل طل او لم تطل................لا بد لي ان اسهرك
لو بات عندي قمري .................ما بت ارعى قمرك

23_اللام
لااسمع لا ارى لحجي .......ولاشام
ابشوك الما حوى نجد .........ولا شام
اله سوره ابصحن خده........ولا شام
سوده وبالسويد اثر سجيه

24الميم
مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه
وهو ماخوذ من البيت الشعري الاتي
ان الافاعي وان لانت ملامسها...........عند التقلب في انيابها العطب

25_النون
نهاني الينم عنك............ وابد منهه
وودك مثل روحي .........وابد منهه
السمه كابلت وجهك........وابد منهه
البدر من ضي سناك انعكس ضيه
وهو مقتبس من البيت الشعري التالي
قابلت وجهك السماء فابدت...............صورة البدر من سناك انعكاسا

26_الهاء
هله بالي بوداده انكشف .......ستراي
وحوبه الجان الي وياك........ستراي
اجانه بالظلام ايريد............ستراي
انفضحنه ابنور خده اليشع ضيه
وهو ماخوذ من هذا البيت الشعري
اتانا في الظلام يريد سترا..............فانفضحنا بنوره في الظلام

27_الواو
ولك شوك الدليلي......وانت شاكي
الذنب منك عليـــه......وانت شاكي
بليه اسلاح اشوفك.....وانت شاكي
لجن بعيونك سلاح المنيه
وهو مقتبس من البيت الشعري التالي
هزوا معاطفهم وهن رماحم.............ونضوا لواحظهم وهن صفاح
شاكين ما حملوا السلاح وانهم..........منهم عليهم اهبــــــــة وسلاح

28_الياء
يحادي الظعن بالله عليك......اني
لما يسمع شريج الروح.......اني
لريد اصبر واعلم الصبر.....اني
امر من الصبر فركاك اليه
وهو مقتبس من هذا البت الشعري
ساصبر حتى يعلم الصبر انني........صبرت على شييء امر من الصبر
__________________